《赤道》內地票房過億 學友出動私人錄音室唱主題曲
2015年05月03日 蘋果日報《赤道》內地票房過億 學友出動私人錄音室唱主題曲
電影《赤道》喺內地上映3日，票房就破咗1億，成績咁好，主角張學友當然收到消息啦，佢就興奮話:「每位演員都好落力，所有場面都好逼真，我好鍾意呢部戲!」由於呢部戲有唔少韓國演員，好似池珍熙同崔始源等，學友都向佢哋偷師學2句韓文。
而電影嘅主題曲仲係學友以粵語同崔始源用韓文隔空對唱，學友話：「我錄先，交去韓國畀始源參考，然後佢唱完再交返嚟。」佢仲笑言feel到崔始源嘅感情，仲話估唔到對方唱功幾紥實。
原來學友演唱部份，仲係喺佢嘅私人錄音室拍攝MV，入面有好多樂器同埋書，學友笑言:「其實書籍真係好有用，有啲用嚟閱讀，有啲做杯墊，其實喺我錄音室嘅書主要用嚟吸聲。」
此新聞影片： http://www.jackyclub.com/thread-16212-1-1.html
學友的私人錄音室，好多書。
頁:
[1]