學友零片酬客串 張家輝：剪剩兩鏡
學友零片酬客串 張家輝：剪剩兩鏡晴報 24/11/2015
細佬（張家輝）有新戲上映，阿哥（張學友）唔介意客串支持。
張家輝執導的新片《陀地驅魔人》前晚舉行首映禮，除了監製羅志良及主要演員張繼聰、郭采潔等現身外，張學友、梁家輝等亦來捧場，星光熠熠之程度媲美電影頒獎禮。
第二次執導的張家輝，前晚穿上禮服出席時笑言：「睇咗五百萬次，唔緊張！反而在意大家睇完齣戲嘅反應。」提到片中飾演他媽媽的林嘉欣奪金馬影后，家輝也替她開心，不過他坦言私底下沒有聯絡嘉欣。
今次客串演出的學友亦有出席，他笑稱雖然知道拍了甚麼，不過就不知家輝剪了多少，當他得知剩下兩個鏡頭時，學友笑言：「王家衛嗰啲？拍咗幾年最尾出個鏡頭，正呀！我恨咗好耐。」
君如想拍勵志片
隨後問學友，今次可有收片酬？學友笑言：「咁都收我仲係人？講出嚟都面紅，只係拍咗一個下晝。」在旁的梁家輝聞言後笑稱：「當年我拍君如部戲，只係收咗一大封利市。」
當君如到場後，記者指梁家輝爆只曾收過她利市作片酬，君如帶笑表示：「真係畀㗎！唔可以拍膊頭，自己拍兩部戲都冇錢收，所有錢分晒畀老友！我唔好意思唔畀，不過又唔係賺得多。」問到君如幾時再開戲？她說今年做了舞台劇《狂揪夫妻》已經好忙，最快明年才開戲，希望屆時老友能拔刀相助。她又表示新戲希望能夠拍一部勵志喜劇，等觀眾笑「冧凳」。
採訪：Pauline
攝影：林良明
編輯：林梓添
設計：鄧俊明
新聞相關影片： [影片]家輝新戲首映學友撐場義氣客串
頁:
[1]