學友克勤Eason阿倫到賀 車淑梅娶滿分好新抱
學友克勤Eason阿倫到賀 車淑梅娶滿分好新抱2016年01月10日 蘋果日報
http://static.apple.nextmedia.com/images/apple-photos/apple/20160110/large/10ec4p10a.jpg
■昨晚飲喜酒的張學友（右）笑指張家輝唱歌甚有風格。
港台資深DJ車淑梅與港台電視部前助理廣播處長張文新昨日娶新抱，二人長子張家瑋與女友李沛慧舉行婚禮，並於尖沙嘴金域假日酒店擺喜酒筵開40多席。榮升新奶奶的淑梅前晚因太興奮而失眠，昨日她與新哥接受訪問時勁讚新抱說：「好開心，個仔娶咗個好太太，呢個係我夢想，佢又乖又叻又孝順又賢良淑德，我畀新抱100分加粒星。」
「港台換人正常」
淑梅送了一隻家傳之寶鑽戒給新抱，問可想抱孫時，淑梅笑言：「梗係想啦，我個妹喺呢度擺完酒之後生咗龍鳳孖胎。」新哥則笑指比自己結婚更緊張。
近日港台《晨光第一線》主持羅啟新被調離節目，也有多名撐雨傘革命主持人被撤換。對此新哥說：「呢啲我唔清楚，即使我在位嘅時候都轉過好多次，有新組合係無可厚非，每隔一段時間改係好正常。」
昨晚到賀賓客除港台DJ外，還有前特首董建華夫婦、張學友、徐小鳳、李克勤、譚詠麟、陳奕迅、汪明荃等等。有傳克勤在首回合《我是歌手4》中三甲不入，對此克勤表示已簽保密協議不能透露，只能講自己擔任主持，在首集唱《霧之戀》。問會否堅持唱廣東歌？他說：「第一集係，我唔敢話代表香港，但我係香港歌手，有香港嘅身份，揀校長嘅歌係因為佢係我家人，同埋呢首歌對我好有意思，但由第二集開始自己就唔會呢個限制。」
學友表示送禮金給新人，問他可有留意張家輝早前在陳慧琳個唱中展歌喉時，他笑說：「唱得好好吖，嗰首乜嘢姑娘吖嘛，我重叫佢復出歌壇。」
此新聞影片：http://www.jackyclub.com/thread-16371-1-1.html
採訪：盧妹
攝影：沈健程
頁:
[1]