jacky 發表於 2016-1-12 13:19

城城學友稱讚 陳慧琳冠最勤力女藝人

城城學友稱讚 陳慧琳冠最勤力女藝人
東網 01月11日(一) 15:35


陳慧琳推出新大碟,城城和學友拍片祝賀,並冠以最勤力女藝人稱號。

【on.cc東網專訊】 歌手陳慧琳(Kelly)舉行新碟發布會及唱片封套展,Kelly看到現場展示20年來的唱片Cover,她視這如自己骨肉,其中一張《繼續愛我》是第一次到希臘取景,當時是唱片業最輝煌的歲月,可以成隊人去。

而現場更播出郭富城和張學友的祝賀短片,城城稱當年Kelly第一部電影《仙樂飄飄》和他合作,覺得她樣貌似林青霞,雖然是新人,但事事認真,好勤力和上進;而學友稱當年Kelly拍他的MV,因為是奚仲文介紹所以一定靚,令他好期待,第一眼覺得她好清純,樣子好特別和乾淨,圈中很少她的類型,而Kelly更是好勤力,如他練100次的舞步,相信Kelly會練200次,是她圈中少見勤力的女藝人,可能是第一名。

與唱片公司合作20年

之後司儀問Kelly入行20年的感受,Kelly坦言:「好驚,咁快就20年。」當司儀祝她再有20年,Kelly即嚇得貼向布景板說:「咁快又嚟!」之後唱片公司高層黃劍濤給Kelly送上20周年的紀念品,並指Kelly是唯一效力其唱片公司20年未間斷過的女歌手,男歌手最長年份是譚詠麟。

可能係最後一張大碟
至於新碟推出2,000張特別牌,反應熱烈,問之前可感壓力?Kelly謂:「又冇喎,不過呢張係有10首歌嘅大碟,可能會係最後一次出10歌嘅碟,始終市道唔係去希臘拍外景嘅輝煌年代。」

講到說再向20年進發時,為何如此驚慌?Kelly笑言:「唔係驚,係唔敢諗咁遠,依家個樣仲呃到人,但遲啲唔知Fans接受能力有幾高,我點都係偶像派嘛!今日唔知聽日事。」

「老公Feel到我幾重要」
問完了演唱會後又出新碟,老公可有詐型?Kelly即笑爆說:「我做番晒老婆嘅嘢啦,我做完演唱會,佢即刻攬住我話,好囉,你終於返嚟啦!因為嗰10日都要佢照顧小朋友,佢Feel到我係幾咁重要。」

學友祝賀影片:http://www.jackyclub.com/thread-16375-1-1.html

頁: [1]
查看完整版本: 城城學友稱讚 陳慧琳冠最勤力女藝人