王晶讚學友好戲：諗唔到有更好嘅演員
王晶讚學友好戲：諗唔到有更好嘅演員東網 01月25日(一) 18:55
王晶覺得張學友有藝術家氣質。
【on.cc東網專訊】 導演王晶到北京出席賀歲猛片《賭城風雲III》於北京舉行的大型記者會，他受訪時表示：「今次主要龐大嘅地方係後期，我哋有1,500個特技鏡頭，又搭咗十個台景，幾乎將全香港可以拍廠景嘅地方都用晒，畀啲同行話我哋霸道，同埋演員當然係大家睇到咁多。外景我哋去咗泰國布吉島。」
三強鼎立
而王晶亦稱今次的投資費用大概用了二億五千萬，問到他對票房的信心時，他表示：「因為今年內地幾部戲都好近，會係三強鼎立，我相信大家都會好，打破一個以往新春檔嘅總票房收入。究竟邊個會收幾多，依家講唔到，因為大家未睇過大家，依家講係唔科學嘅，我亦相信三部片嘅水平都好高。（票房排行？）其實邊個收得多都唔重要，最緊要係大家都可以去到一個高水平，同埋自己覺得滿意嘅數字就夠。」
王晶與周潤發自《大上海》後已連續四年合作，問到王晶怎樣能將發哥再以一個全新面目見人？他說：「發哥今次係同時石一堅同埋賭神，賭神亦都有戲份，同發哥同時出現。發哥今次會再度精神錯亂，有少少好似當年《賭神》嗰種錯位笑料。」
激讚李宇春
提到張學友，王晶即時大讚學友演戲穩令自己非常欣賞：「今次搵佢演一個反派，做一個鍾意劉嘉玲嘅情癡要同發哥作對，諗唔到有更好嘅演員可以用，惟有要學友出山。（點解學友要長毛？）因為我想佢有少少藝術家氣質。」
王晶亦有大讚李宇春是一個天生的演員：「唔使好多表情，佢就係好笑，好單純，好快Pick Up到。」雖然他透露來年並不會有《賭》第四集的出現，惟王晶與周潤發的合作會以另一個題材的喜劇片再次緊密合作，寄望2017年會與觀眾會面。
此新聞影片：http://www.jackyclub.com/thread-16400-1-1.html
頁:
[1]