睇好城城封帝 學友自嘲慣陪跑勁心灰
睇好城城封帝 學友自嘲慣陪跑勁心灰03月15日(二) 15:06
點知學友就話冇期望過！
【on.cc東網專訊】 影星張學友、林嘉欣、黃秋生和陳偉霆等現身香港影視娛樂博覽「英皇電影2016巡禮」，活動上公布了《暗色天堂》、《鋒味江湖之決戰食神》、《幸運是我》等11部今年度上映的電影及短片預告，當中更以入圍多項香港金像獎的《暗色天堂》打頭陣。而在片中演律師的秋生，坦言演出壓力大：「因為我口材唔好，導演都畀咗好大空間我亂咁做，之前睇埋預告，我見到有個奇迹，睇得出呢部戲會有影帝影后出現。」
零期望有醋意
談到黃秋生稱《暗色天堂》將奇迹產生影帝影后，身為該片男主角的學友聞言笑說：「講啫佢哋！我冇期望過，自己提名過五次，都係拎唔到，次次都話我機會高，我都信命格嘅嘢，攞唔到一定有理由，我嘅演譯可能唔啱評審口味。（咁睇好邊個？）城城（郭富城）囉！佢係導演會攞咗一個，睇高一線㗎喇！」
叫嘉欣安慰自己
學友又指對嘉欣封金像影后有信心：「佢攞慣獎喇！如果提名黃秋生，我就好有信心喇！因為我自己慣咗，有提名但冇獎攞。」，身旁的嘉欣大讚學友是她的「幸運星」，又笑言睇好學友，指對方是「心目中的最佳男主角」，學友聞言笑說：「你都講定啲安慰說話啦，因為係在你『心中』呀嘛！」而不少人看畢預告後，對學友的表現期望相當高，問到學友感受？他表示：「個個都咁講，係可憐我，係大家對我嘅憐愛。」
12月香港開騷
談到有指演唱會檔期發生問題，學友表示：「冇延期呢一回事，今次主辦方係唱片公司，佢哋之後會出聲明。（睇到呢啲傳聞會嬲？）唔會，嚟緊好忙，10月開始巡迴演唱會，首站喺內地，要理好多嘢，都冇時間理呢啲事，香港最快12月檔期。」
頁:
[1]