孖兩代歌神合照 劉嘉玲興奮攬實學友
孖兩代歌神合照 劉嘉玲興奮攬實學友12月15日(四) 15:38
劉嘉玲去咗捧學友場。
【on.cc東網專訊】 影后劉嘉玲同歌神張學友，曾經合作拍攝過唔少電影，好似《阿飛正傳》、《東雅西毒》咁，相信大家都唔會陌生。學友依家忙緊開巡唱，身為好友嘅嘉玲當然抽空到場欣賞啦。嘉玲睇完騷走入後台搵學友合照，嘉玲一見張學友就好興奮咁撲埋去攬住影相，相當老友。劉嘉玲又喺微博留言力撐學友：「你的專業、敬業和誠意深深感動了我。」
同場除咗嘉玲同學友，仲有另一位歌神陳奕迅齊齊影合照，嘉玲一次過同晒兩位歌神影「世紀合照」，當然引嚟網民激讚喇，仲有唔少網民大嗌好羡慕㖭！
頁:
[1]