「山頂嘅朋友你哋好」 學友：呢句喺其他地方係冇反應
【香港演唱會特色】「山頂嘅朋友你哋好」 學友：呢句喺其他地方係冇反應蘋果日報 時間 (HKT): 0103 01:42
(採訪、攝影：馬建華、仇志德)
歌神張學友23場嘅「A Classic Tour世界巡迴演唱會2016」香港站，每日都有唔少名人明星入場朝聖，噚晚呢個歌神演唱會正式喺紅館結束。
喺尾場告別香港站，嚟捧場嘅朋友就有林嘉欣、白雪仙、楊千嬅夫婦、舒淇、梁詠琪、劉偉強導演等等，唱到11點45分先完場。
學友喺台上話返到香港開演唱會都好唔捨得：「當初都冇諗過做到，但做做下都完咗，o依家都好唔捨得，當初揀歌都揀咗60幾首，如果要唱就唱到聽朝，但聽朝要交場畀交周杰倫。」
至於籌備呢次演唱會，學友話：「四面台係一樣好經典嘅嘢，特別係『山頂嘅朋友你哋好』，呢句說話係香港人先會有反應，其他地方觀眾係冇反應。」學友接住道：「自從1995年都冇做過四面台，其實都好辛苦，但係自己都過咗半百，再唔做都冇得做，所以兩年前開始健身、練歌，現場有fans叫我除衫，但我已經過咗除衫嘅階段。」
咁辛苦值得咩？學友話一切都做得好開心：「好多人問我點解要辛苦自己，其實自己都想做好啲，所以就算係辛苦都係開心嘅，今次演唱會係好大滿足感。今次做第一場都冇之前咁辛苦，而證實我又真係做到，喺台上都話，已經過咗半百，再唔做都做唔到。」
舒淇
楊千嬅夫婦
梁詠琪
半百嘅學友，依然好跳得
頁:
[1]