隨便做到唔想做 張學友開騷折磨自己
隨便做到唔想做 張學友開騷折磨自己01月03日(二) 02:40
挑戰自己先係王道。
【on.cc東網專訊】 「歌神」張學友假紅館舉行的《A Classic Tour學友．經典世界巡迴演唱會-香港站》尾場演出順利完成，在騷後的祝捷會上，學友坦言很開心：「諗呢個演唱會嘅時候都冇諗過自己做唔做到，但我做咗咁多年演唱會，如果做番一個我覺得好舒服或者隨便應付到嘅，我都唔想做。啱啱啲朋友都問我做乜咁折磨自己，但放心，其實我好開心，如果真係折磨，都係開心嘅折磨，大家唔洗擔心。」他表示以往或現在的演唱會也會有狀態好或不好的時候，但如果今次狀態好、能全部完成，這份滿足感比以前大很多倍。
外地巡唱抖得耐啲
提到在外地巡唱休息的時間較長，但在香港只能唱三天才休息一天，他直言有點辛苦：「不過已經做完，證明係可以做到。」學友指假若之後再做四面台，大家也可能說不好，所以這次是非常好的時間：「我開呢個演唱會之前評估過自己嘅狀況係可以做先去做。因為準備時間都長，真係做咗兩年健身，練歌都超過半年，全部都準備好先去做，所以冇第一次演唱會咁辛苦，但緊張、冇咁熟就有。」
另外，這次演唱會為「快樂港仁」籌得慈善門票收益港幣六十萬，學友多謝有份捐助的朋友與多位合作夥伴，並舉行祝酒及切餅儀式。
頁:
[1]