明年1月返主場紅館開騷 張學友巡唱尾站暫定15場
【天王輪住唱】明年1月返主場紅館開騷 張學友巡唱尾站暫定15場蘋果日報 時間 (HKT): 0904 18:24
天王輪住開騷，繼劉德華於12月15日至明年1月3日登紅館，歌神張學友緊接華仔嘅檔期，明年1月再襲紅館舉行《A CLASSIC TOUR 學友．經典世界巡迴演唱會》part 2，暫定15場。
近日網上已經瘋傳學友開紅館騷嘅消息，據知舉行日期為明年1月11至29日，票價分為：$980/$680/$380，依家已經接受歌迷會內部訂飛。冇得「走後門」嘅網民留言：「我好想買到飛呀，上次買唔到！」、「有咩辦法可以買到」！前年23場《經典》紅館騷開賣時，門票被秒殺，黃牛飛炒到逾萬元一張，好多歌迷都買唔到飛。
學友《經典》世界巡唱於前年10月假北京開鑼，同年12月巡唱到香港紅館，到依家已經完成183場演出，跟住仲有江蘇、四川、重慶、北京等大陸站，接着還有馬來西亞、日本、英國、巴黎、台灣等站排隊演出，尾站就會於明年1月返主場香港舉行，總場數起碼逾233場，打破上次「張學友1/2世紀世界巡迴演唱會」146場巡唱紀錄。
學友明年1月再踏紅館
頁:
[1]