發表者： wen 於 2003-07-03 09:21:30 (180 人閱讀過)

            成報

　張學友一直都說將來不要女兒跟他一樣做歌手，怎料女兒愈大愈喜歡唱歌，令他好驚，所以他說一定不讓女兒入這行。

想出兒歌唱片

　下周四（10日）是學友生日，昨日他接受港台訪問，提到生日願望，學友說：「希望香港好，因為香港好就個個都好。（是否覺得香港的環境、政治、生活都差？）唉，係啦，都唔係咁好，否則唔會咁多人上街遊行啦，遊行只表達意願。（對23條有乜睇法？）唔清楚，不便評論，但不開心就一定有。只知道所有國家都有國安法，可以參考其他國家的做法。雖然遊行未必會有甚麼幫助，但大家唔開心才出來。我睇電視有感慨，好彩最後都冇事發生。」他又強調自己對政治白癡。

　

而另外一個生日願望，當然是女兒快高長大。學友正準備出廣東碟， 本來他有計劃唱兒歌，因為女兒喜歡聽兒歌，但他說隔了兩年才出碟，冇理由一出就是兒歌碟。學友的歌女兒一聽就認出是他唱，而且還會哼，學友說好驚。「有音樂天分冇所謂，唔想佢入呢行，因為做呢行要承受好多，尤其是女仔。」學友道。他說兩父女合唱都可以，但怕女兒會上癮，所以在可能範圍內他不畀機會女兒入這行，總之做乜都好，唔好做歌手。

　學友又說，睇番十年前娛樂圈同現在就已經很不同，他自覺身心疲累，因他捱過、經歷過，不想女兒都學他路途多荊棘。學友說：「唔係努力就有成果，要心態好成熟才可以生存。」