發表者： adaho 於 2004-04-20 04:53:13 (244 人閱讀過)

            文： 羅宛君　攝：楊 學 20/04/2004

張學友昨日出席新碟記者會，他除親自作曲及填詞給太太羅美薇外，更在封套內親自執筆，寫下兩句情深說話：「看見你的微笑，是我最開心的時候」及「看見你的開心，是我最大的成就」給MayMay。



張學友的新專輯《Life Is Like A Dream》於今日面世，唱片公司為隆重其事特別舉行盛大記者會，環球唱片公司多名高層、各電台高層及陳淑芬均到場支持。席上環球唱片送出一支價值萬多元限量版結他給學友，希望他繼續努力作歌，他更即時彈奏新歌《給朋友》，掌聲如雷。

三年未有推出廣東專輯的學友，是次唱片內的歌曲全由他作曲，有三首更由他填詞，包括寫給太太羅美薇（MayMay）的《講你知》、寫給囡囡的《搖搖》以及寫給朋友的《給朋友》，封套內除有他數十張靚相外，學友更親自執筆，寫下「看見你的微笑，是我最開心的時候」、「看見你的開心，是我最大的成就」送給MayMay。

公司落重本宣傳

至於唱片銷量，學友說﹕「唔擔心得咁多，賣得好唔好唔係最重要，希望唔好再有盜版，因為影響真係好大，搞到我冇晒方向，再係咁愈做愈少人。」環球如此落本有指是用他來救市，學友說：「係我要求，大家開會傾過好多次，希望做好。」他更坦言今次出碟獲太太的支持，他說：「佢都好鼓勵我、支持我最多。（佢會唔會出來支持你？）唔會喇！佢依家都好撐我，我覺得好夠，佢仲叫我畀心機做多點宣傳，以前都未聽過佢咁講。」

另外，學友表示經常在夢中遇見過身的好友，問他夢見誰時，學友說：「個個都有，有開心同唔開心，內容真係唔記得喇！（咁MayMay有冇夢見梅艷芳？）我唔知喎！我好少同佢傾呢喎！」