發表者： jilin 於 2006-04-10 16:36:29 (601 人閱讀過)

            【本報香港訊】鄭中基（Ronald）、楊愛瑾、傅穎9日現身大埔超級城宣傳新片「至尊無賴」，Ronald表示張學友贏得金像獎「最佳原創電影歌曲」，自己雖然敗於對方手下，亦感開心。

Ronald指學友是實至名歸：「我都支持學友，佢首歌同套戲好配合。（覺唔覺大會搵你頒獎，係想營造你獎錯覺？）唔覺，我諗唔係特登想搞錯覺，我現場至知要頒獎，我亦從來冇諗過獎。（千嬅衣被人彈老土喎！）我覺得OK喎，唔係新潮至係好！（你新片中有段英語對白好似講粗口，唔怕教壞細路？）唔怕，最開心一粒音都唔使改就過到電檢。」