發表者： 雙魚座 於 2006-04-27 08:53:32 (421 人閱讀過)

               【東方日報專訊】張學友大前晚秘密與美國及香港迪士尼樂園高層飯局，將於年尾約滿代言人合約的學友，笑言愛貪小便宜，為了兩個愛女，沒簽約也願意繼續幫迪士尼。

大前晚記者收風學友現身四季酒店，即趕往守候，約十時卅分，發現學友保母車出現，兩分鐘後見學友步出酒店。記者上前拍照，學友面露笑容，之後即上車離去。

據知，身為「香港迪士尼樂園名譽大使」的學友，將於年底約滿，由於迪士尼開幕至今負面新聞不絕，早前又發生了人事變動，有指迪士尼為力挽形象，大前晚由美國和香港雙方面高層聯手出馬設飯局，力斟學友續約。

遊東京樂園暢通無阻

記者致電學友了解，他說：「唔係傾續約，復活節我成家去日本迪士尼玩，佢招呼好好，咁美國有高層香港，一齊食飯。（係咪傾續約？）齋食飯，未正式傾，其實合約要做已做晒，新工作係基於友好關係。（有冇興趣續約？）梗係有，去迪士尼玩就知，幾好招呼呀，作為代言人身份，唔使排咁多隊，哈哈！」

問學友續約要甚麼條件？他笑說：「我冇乜要求！畀我玩就得，唔簽都會繼續幫手，你知我貪小便宜嘛。」對於迪士尼負面新聞不絕，身為代言人的學友說：「咁大一個新樂園，需要時間調整，入鄉隨俗，慢慢適應，我依然帶住一個夢，我兩個女入去玩得好開心，始終係適合一家大細地方。」