發表者： 雙魚座 於 2006-09-13 09:06:01 (353 人閱讀過)

            學友否認　獅子食米奇
(東方) 09月 13日 星期三 03:00AM

【東方日報專訊】張學友昨日以續任香港迪士尼樂園名譽大使身份，冒風雨出席迪士尼一歲生日慶典，以實際行動粉碎傳聞他獅子開大口，開出千萬續約條件，嚇怕迪士尼的謠言。

學友以一身型仔look出現，穿碎花恤衫襯西裝，腳踏黑色露趾涼鞋，雖然慶典進行時一直落雨，但他心情靚爆，還向記者展示其金色米奇襟章，他笑說：「我升職，做滿一年先有呢個襟章，米奇係我老闆。」

續約兼升職

剛與迪士尼續了新約兼升職的學友，否認開價千萬要求續約，他說：「完全冇呢件事，我唔係講錢，雖然冇錢係唔得，但唔係一個必須大前提，佢一路搵我傾好耐，但我忙搬屋，後來先意會到外國公司好緊張、好重視合約，一日唔簽妥，佢都好似周身唔聚財，其實新約同之前差唔多。」

對於家中菲傭涉嫌偷去其私人信件及照片一案，學友說：「我覺得好大威脅，如果係偷錢可以炒算數，但佢我資料，令我好不安，加上我又有小朋友，所以要去報警，差人都話有個檔案好，遲我都要出庭。」

舊居大裝修

學友的舊居大肆裝修一年，裝修費豈非很龐大？他打趣笑說：「總之就勤力做，（唔怪得有咁傳聞喇？）所以我拍好多廣告。」此外，學友跟劉嘉玲(新聞 - 網站 - 圖片)、梁朝偉(新聞 - 網站 - 圖片)都相熟，對嘉玲父親在大浪灣一公廁內猝死，他感到難過，他說：「我都唔知點問候佢，我自己爹身體唔好，我都明白佢感受。」