發表者： minimini 於 2007-03-14 13:10:07 (304 人閱讀過)

            14/03/2007
文： 音樂組

張學友前晚擔任呂方個唱尾場嘉賓，送上《妳的名字我的姓氏》預祝鄭裕玲（嘟嘟）成為「呂鄭裕玲夫人」，令全場起哄！

早前喪父甚少露面的學友，前晚為好友呂方出關，除有講有笑外，更走到台邊與觀眾握手，看來心情已平復不少。為搞好氣氛，學友更落力向呂方及嘟嘟逼婚：「我同你（呂方）結婚就有問題，『方張』就唔好，『呂鄭』就好喇！好旺添！『呂鄭裕玲夫人』聽起好似總理咁！」呂方亦大讚嘟嘟外表似女強人，其實亦有溫柔的一面，可惜捧足4晚場的嘟嘟沒有上台。至於呂方的前緋聞女友Marianne，亦與周麗淇結伴捧場。

暗中註冊玩浪漫
另外，呂方昨日接受《巴巴閉邊個夠我查篤撐》電話訪問，對於被當眾逼婚，他笑說：「個個嘉賓都變阿爸阿媽咁，係咁叫我結婚！（咁結唔結？）結！結！結！」呂方表示會趁落雨天向嘟嘟求婚，成事就會暗中註冊，不會鋪張進行。提到嘟嘟坦承換膚，呂方亦沒有異議：「最近開演唱會，佢都逼過我一齊換膚，又真係皮光肉滑喎！」


被學友催婚的呂方，當眾大讚嘟嘟溫柔，禁不住眉開眼笑！