發表者： chiasan 於 2009-11-21 11:23:07 (332 人閱讀過)

            2009年11月21日 香港蘋果日報

電影《 72家租客》昨日舉行拜神儀式，張學友在片中飾演躁狂賤男，鄧麗欣（ Stephy）則扮演其女兒。問學友會否指點 Stephy唱歌？他表示沒甚麼好指教，並謂歌藝不佳可能因為練歌不夠所致。

大堆頭賀歲片《 72家租客》昨日在將軍澳邵氏影城舉行拜神儀式，逾二萬呎的廠房搭建成旺角西洋菜街行人專用區，過百名演員包括張學友、謝天華、曾志偉和鄧麗欣等齊集影城，加上 200中港傳媒，令現場水洩不通。

天華避忌廉
身兼監製和導演的曾志偉透露與學友互換角色，他說：「同學友傾過後覺得咁樣好玩啲，家調轉咗，我就好正經，佢就搞笑同好賤。學友今次放低歌手形象，觀眾又未睇過。」他又提到下月將拍攝全體演員的跳舞戲，問可會擔心爭排位？志偉笑說：「我排嘅個個都冇得出聲，唔使擦我鞋。」

演賤男的學友笑說：「我個角色因為得唔到阿靚（袁詠儀）搞到脾氣暴躁，玩得幾開心吖。」片中飾演學友女兒的鄧麗欣表示與學友合作很緊張，也不敢要求合照。問學友可會指點 Stephy歌藝？他說：「冇乜特別好指點喎，可能係練得唔多同身體狀況影響。如果佢送書畀我，都會接受嘅，但我天生一睇書就眼瞓。」

天華 07年在台灣錄影節目時，被發現與「忌廉」麥皓兒夜蒲，還前後腳返酒店。不過昨日天華明顯避開忌廉，也沒望她一眼。鍾嘉欣則飾演打女，她說：「梁朝偉練 9個月先拍，我學 4日就拍喇。」
採訪：藍文浩
攝影：黃文成、馮嘉文


學友對於 Stephy歌藝欠佳，他表示可能是練歌不夠或身體欠佳所致。