【嘉賓王又嚟喇】擔任阿倫個唱嘉賓
學友指做嘉賓換門票
蘋果日報 時間: 0217 16:34

張學友又做嘉賓呀，今次係擔任譚詠麟個唱嘉賓。

當校長遇上歌神，會有乜嘢火花呢？譚詠麟（阿倫）紅館演唱會噚晚舉行第四場，而嘉賓就邀請到歌神張學友，觀眾掌聲雷動。

當校長話知道學友最近出咗一張大碟，花咗7年時間籌備，係一位精益求精歌手時，點知學友竟然答佢： 「其實都係講下啫!」校長又問佢點解要去英國錄一長國語專輯輯，學友答佢因為想隻碟有啲英國味，當校長再追問：「乜0依家啲英國人開始講國語咩？」學友說：「咁音樂又冇分語言嘅，我又真係未見過結他講國語喎！」

原來學友係第一位報名嘉賓，校長笑言佢呢晚門票，因為學友而炒高咗幾倍，但學友指指校長表示，佢媽媽及妹妹要佢幫手撲6張校長個唱門票，點知托晒關係問晒所有人都冇辦法，仲話：「後來要同阿倫話嚟做嘉賓先有! 咁先呃到4張飛，幾慘呀!」阿倫指學友真識開玩笑，學友認真表示：「唔係講笑，全部事實！」而阿倫忍住笑，學友接住又話：「除咗話你叫我做嘉賓用4張飛換，其他真係全部事實﹗」

二人除了合唱一曲《誰可改變》，本來阿倫會為嘉賓揀自己一首歌，學友就揀咗自己熟悉嘅《霧之戀》。

觀看影片請至：http://www.jackyclub.com/thread-16088-1-1.html

兩人惺惺相惜。