帶媽咪撐張學友場！蘇永康都嗌心悅誠服
12月13日(二) 18:24

蘇永康除咗錫老婆錫到燶之外，仲好孝順媽咪㗎！

【on.cc東網專訊】 歌手蘇永康（阿公）就快做爸爸，人前人後嘅阿公都表現得非常開心，仲錫老婆錫到燶，去到邊都帶埋佢，其實阿公除咗錫老婆之外，都好孝順媽咪㗎，呢日佢就趁住歌神張學友開騷，帶埋媽咪同老婆一齊去睇騷，仲影埋合照擺上網，仲好抵死咁留言話：「我做show我媽可能勉為其難比（畀）面個仔嚟睇，只有張兄每次演唱會我媽一定問：我地（哋）幾時去睇呀！但在下實在心悅臣（誠）服。」其實阿公媽咪都係講吓笑啫，個仔唱功咁了得，點會唔想睇呢？