張學友專程回港撐成龍：上一上去㗎咋
03月28日(二) 19:07 東網電視

張學友尋晚先做完巡迴演唱會返港，不過星期四又走喇！

成龍去年獲奧斯卡頒發終身成就獎，成為首位獲此殊榮的華人演員！他今日由好友英皇老闆楊受成於灣仔設宴慶祝獲獎，當中「歌神」張學友亦係座上客。單拖到場的學友受訪時被問到有否為成龍帶來禮物？他笑說：「唔使送啦！（宴會上唱歌？）我都係上一上去㗎咋，因為我尋晚先做完巡迴演唱會返港，星期四又走喇，去大陸。（唔帶埋太太嚟宴會？）搞錯呀，你哋明知佢唔會嚟㗎啦，你哋有幾可見到佢嚟吖？」

至於問到學友會否向即將結婚的郭富城送上恭喜？他笑指對方好應該成家立室：「我梗係會恭喜佢，唔通嬲佢咩？（你覺得城城都係時候成家立室？）應該啦！」

單拖出席嘅學友指自己上一上去說走㗎喇～


問到點解唔帶埋太太出席，學友就話大家明知故問呀！