學友愈唱愈Fit 破硬紀錄
09月25日(一) ONTV 東網電視✕

學友火速完成103場巡唱，坦言將打破自己保持的146場紀錄。

正進行世界巡迴演唱的張學友，九個月內已演出103場演唱會，被形容為是當今樂壇之霸。五年前，學友火速在年半內演出146場騷，今次他甚有信心挑戰極限，打破自己的紀錄，向150場進發，歌神地位當之無愧！

張學友的《A Class Tour學友經典世界巡迴演唱會》由去年底在北京揭幕，已走遍內地逾40多個城巿，包括香港及澳門，另還有台北、新加坡。學友昨晨由成都返抵香港機場，有十數名「忠粉」專程接機。他剛在成都連唱兩場，成功以驚人體力在九個月內完成103場巡唱，對上一次於2010至2012年舉行的世界巡唱，18個月內演出146場巡唱，即使新一代「歌神」陳奕迅對上一次歷時三年多、走遍大半個地球合共舉行135場巡唱，場數也有所不及。相隔五年，學友打算要再破自己保持的場數紀錄！
返港被圍不言攰

學友返港見到一班歌迷，心情High爆！

戴帽及口罩的學友在粉絲包圍下步往停車場，健步如飛的他被問到有否感到攰？他笑說：「OK喎！（做咗103場騷？）係呀！做得幾開心，好似有啲進步。（邊方面？）我覺得喺做騷、唱歌各方面，所以好正！（9個月內做咗百場騷，真係好快！）快呀！快過上次。（破到你上次18個月內唱146場紀錄？）應該會破。」今年56歲的他自言體力弗到爆：「開頭我都驚驚哋，但好似冇乜嘢咁（指做騷），幾開心。（你撈晒人哋唔使撈！）唔關事，各做各啫！」

有意開Part 2

早前的23場紅館騷門票秒殺，問到會否再在港開Part 2？學友即說：「會呀！返嚟錄（影），因為上次我未錄（影），但未知幾時，未訂場。」據知，學友目前的巡唱暫時排到明年3月，除了內地多個城巿，還有星馬、泰國、美加及歐洲，因為有些地方反應熱烈，徇眾要求下將會加場演出，包括台北、新加坡、北京及深圳等地。

文：音樂組

學友在歌迷護送下到停車場，邊行邊談心。