86歲胡楓開騷破紅館紀錄 契仔學友拍片恭賀
星島網即時新聞 2017.11.21

胡楓（修哥）舉行記者會，宣佈將於明年2月10至11日在紅館舉行《胡楓86破晒紀錄演唱會2018》，打破紅館最大年紀歌手開騷紀錄，認真威水。契仔張學友、曾志偉、鍾嘉欣、陳豪及黎耀祥等拍片支持，學友坦言契爺86歲開騷對他有啟發性，只要自己生活檢點、飲食健康便能多唱30年。蕭芳芳則錄聲帶支持，大讚修哥「唱得、跳得、Talk及食得」。

　　修哥坦言破紀錄相當難得，故每日緩步跑一小時練氣，又大呻歌詞難記，至於跳舞則未必太多，「我心境26歲，實際86喇，希望90歲再開騷。」至於會否邀請契仔契女如黎明、學友及林憶蓮等演出，他自認怕醜，不想再碌爆人情卡，故交由主辦安排。

　　問到會否邀請不和的謝賢與曾江齊齊睇騷「破冰」？修哥說：「希望邀請所有朋友睇，但他們兩位真的很特別，我們的友誼超過60年，不簡單，其實他們後生時也經常鬧交，哈哈！」

修哥已為紅館騷跑步練氣，希望90歲再開騷。