jacky 發表於 2016-3-12 21:12

學友嫌林嘉欣片場嗲導演老公難頂

學友嫌林嘉欣片場嗲導演老公難頂
03月11日(五) 16:20


學友爆林嘉欣(上圖右)成日喺片場同佢導演老公袁劍偉(紅圈)撒嬌。

【on.cc東網專訊】 「影后」林嘉欣及張學友接受有線節目訪問,相隔十三年後再度合作的二人暢談拍攝電影《暗色天堂》的點滴。學友更大爆嘉欣經常於片場向導演老公袁劍偉撒嬌,他對此搞笑「投訴」好難頂:「食飯時佢哋將菜夾嚟夾去,導演有時讚我做得好,嘉欣就嗲爆咁問『咁我呢?』好難頂!如果導演淨係拍佢唔拍我都正常嘅,話晒嘉欣係佢太太,起碼有個理由解釋,唔關我演得差事。」

夫妻檔唔尷尬
而嘉欣則表示與老公袁劍偉首度夫妻檔上陣亦不怕尷尬:「我有同佢講過唔一定要搵我演,如果有第二個仲適合嘅演員做都可以,不過佢話寫劇本時都係諗住我,咁咪由我演囉,冇咩所謂。」

視學友為哥哥
嘉欣又稱首次與學友合作時只有十多歲,故把對方視為哥哥。學友聞言就笑說:「好似父母對住子女咁,永遠都覺得佢哋係小朋友,今次合作我都唔覺得嘉欣有咩唔同,佢仲係好似十幾歲時個樣。」嘉欣又感激多年前學友教路演喊戲:「當年我冇演戲經驗,有場戲我喊唔出,學友好安靜咁同我排戲,直至我成功喊,點知原來導演喺後面影咗,好多謝學友咁幫一個新人,所以依家同佢做對手戲都好安心。」她又賣口乖盛讚學友靚仔:「佢係靚仔,但唔會太靚仔,演戲唔會有包袱,做喜劇一樣咁搞笑。」


嘉欣(右)話第一次同學友合作嗰陣就係有十幾歲,所以將學友當成哥哥。


學友聽到嘉欣(右)咁講,就即刻變身父母話永遠都覺得佢哋係小朋友。
頁: [1]
查看完整版本: 學友嫌林嘉欣片場嗲導演老公難頂