張學友呼籲四台統一→於 2003-10-28 14:19:40

發佈者: jacky | 發佈時間: 2012-11-29 11:10| 查看數: 1232| 評論數: 0|帖子模式

發表者: jacky 於 2003-10-28 14:19:40 (186 人閱讀過)

            
10月 28日 星期二 03:00 更新

【東方日報專訊】自廉署「舞影行動」後,樂壇首個頒獎禮「第二十六屆十大中文金曲」將於十二月十九日舉行,昨日召開記者會,港台邀請張學友出席,聯手呼籲四台合作搞一個統一頒獎禮,近年已絕樂壇頒獎禮的張學友,承諾若統一頒獎禮出現,他會出席親自領獎;而港台同時宣布取消「最佳改編歌曲」、「最佳原創歌曲」和「最受歡迎卡拉OK歌曲」三個獎項。


學友昨日破例出席頒獎禮記者會,他站在台上公開呼籲:「我唔敢代表台上所有歌手,亦唔代表官方,只係代表個人,今日好多人問我點解會記者會?我一星期前收到李再唐(大會總監)電話,佢覺得樂壇好多是非,好似『舞影行動』,姑勿論有影冇影,樂壇都蒙上污點,港台好有興趣搞統一頒獎禮,起碼由港台踏出第一步。」

出席歌手舉手贊成

學友更謂若其他三台(無、新城和商台)都贊成統一頒獎禮,他必會出席記者會支持:「呢個係自己對樂壇一個夢,可能好多歌手覺得未必係一件好事,但我認為依家樂壇環境,搞統一頒獎禮係絕對有好處同有需要,好開心港台公開表示贊成統一頒獎禮,希望緊我會去晒各個頒獎禮記者會,如果我會出現,即代表佢都願意,呢個係樂壇之福,希望夢想好快實現。」當車淑梅問台上歌手是否贊成?昨日出席逾四十歌手包括梁詠琪、容祖兒、謝霆鋒、古巨基、陳慧嫻、許志安、陳小春等均舉手贊成。

評審委員增加十倍

事後學友接受訪問表示:「唔好話四台合作,就算只有三個一齊搞,已經係一個具代表性頒獎禮。(成功率有幾高?)真係唔知道。(係咪冇統一頒獎禮就唔親自獎?)都唔係第一年啦。(如果具代表性就?)希望啦。」

而大會總監李再唐表示,港台積極和其他電台聯絡,上星期已開會,雖未有決定,但有進展;製作統籌周國豐則表示,今年評審委員人數增加十倍至六百人,並加入資深創作歌手譚詠麟、李克勤、梁詠琪,以記名方式投票。

再講卅年都未掂

對於張學友和港台合力硬銷「統一頒獎禮」,TVB和新城電台卻不大認同,負責「勁歌總選」的綜藝及體育科經理黃家亮竟然不看好港台和學友的努力,稱:「都講廿年,年年都講,或者仲要講多三十年都搞唔成。」新城娛樂台節目總監朱明銳亦表示:「學友出發點係好事,但新城立場暫時唔會支持,因為時機未成熟,尤其三個商營機構和一個政府機構立場唔同,商營機構靠廣告維生,搞統一頒獎禮會失去商機,唔能夠向股東交代,況且港台為市民服務,唔應該搞頒獎禮。」

而商台對外事務總監招雪梅回應:「本台暫時仍未有定案,有待與本台高層仔細商討後才作決定。」

最新評論

【分享到…】
【學友新聞】
《海關戰線》謝霆鋒打得未盡興 張學友專注唱歌告別動作片
《海關戰線》謝霆鋒打得未盡興 張學友專注唱歌告別動作片 明報 2024年07月04日 【明 ...
張學友合作謝霆鋒為《海關戰線》獻新曲
張學友合作謝霆鋒為《海關戰線》獻新曲 2024/06/28 中國時報 尤嬿妮 「歌神」張學友 ...
張學友重返大銀幕 唱真實自白
張學友重返大銀幕 唱真實自白 自由時報 2024/06/28 05:30 〔記者陽昕翰/台北報導 ...
張學友:演《海關戰線》是因為謝霆鋒 也是還人情
張學友:演《海關戰線》是因為謝霆鋒,動作戲他比較遷就我 搜狐娛樂 2024-06-24 21:1 ...
海關戰線|張學友讚霆鋒做動作指導無得彈 感慨身體未痊癒
海關戰線|張學友讚霆鋒做動作指導無得彈 感慨身體未痊癒 am730 2024-06-24 21:50:47 ...
張學友獲第45屆十大中文金曲 優秀流行華語歌曲獎金獎
Yahoo 娛樂圈 2024年6月23日週日 由香港電台主辦的《第45屆十大中文金曲》頒獎禮於今 ...
張學友末場演出 病毒依舊不放過他 相約2025年再見
張學友末場演出 病毒依舊不放過他 鏡文學 陳于嬙 2024年6月16日 週日 張學友《60+》 ...
張學友二度道歉 “表現最差的一場”
張學友二度道歉 “表現最差的一場” 中國報 2024.06.16 (台北訊)“歌神”張學友因 ...
張學友病後首唱「突鞠躬道歉」考慮過取消今天演唱會
張學友病後首唱「突鞠躬道歉」 吐艱難心聲:考慮過取消今天演唱會 TVBS 陳薈涵 2024年 ...

手機版 | 文字版 | 【學友熱】Jacky Fever Club   

GMT+8, 2024-7-20 17:22 , Processed in 0.271710 second(s), 27 queries .

Copyright © 2012 學友熱 Jacky Fever Club | 技術支持|LIGHTSAIL視覺

Powered by Discuz! X2.5

回頂部