發表者： 雙魚座 於 2004-07-23 09:22:22 (208 人閱讀過)

            學友帶挈女兒一世免費
7月 23日 星期五 03:00 更新

【東方日報專訊】張學友(新聞 - 網站 - 圖片)獲香港迪士尼樂園委任為名譽大使，昨日的記者會吸引了逾百記者到場採訪，大會除了發放耀目的花外，並安排米奇老鼠、美妮老鼠及唐老鴨等卡通人物帶領學友進場，並送上米奇耳朵給他，以示歡迎加入迪士尼的開心大家庭，學友更被讚揚為娛樂品牌的代表，他對今次被委任為名譽大使感到很開心，聲言會積極參與推廣工作。

鍾意睇卡通片

學友表示，在剛過去的生日曾帶女兒到日本迪士尼玩，他笑言：「佢好鍾意去迪士尼玩，以後佢大把機會去，我人就大但思想細個，其實我都好幼稚，好鍾意睇卡通片。」記者打趣問他答應做大使，迪士尼有否讓他女兒一世免費入場？他笑說：「呢個好提議！」在旁迪士尼公關立即點頭應承，學友即笑說：「真係好，咁拿拿聲生多兩個！」

學友早與迪士尼斟妥擔任大使，但礙於合約關係一直守口如瓶：「年期、酬金都不能透露，我都係今朝出門口先話畀個女聽做迪士尼名譽大使，其實都因為佢令我做呢件事，以往拍戲我不能夠帶佢去，但做呢樣我可以帶佢去，我主持『迪士尼樂園奇妙世界』節目，佢又可電視度睇。」

另外，有消息指學友早前以三千萬元購入現時淺水灣寓所「怡峰」樓上一個複式單位，學友直認是作投資用途，但就否認有逾三億元收入，他說：「邊個講呀？係人都知唱片點賺到，唔好咁傻！」對於契妹林憶蓮(新聞 - 網站 - 圖片)與夫婿李宗盛宣布離婚，學友表示有致電憶蓮經理人慰問，對憶蓮將回港發展，他認為是一件好事。