發表者： minimini 於 2007-03-08 13:08:09 (446 人閱讀過)

            08/03/2007

張學友父親張作琪年廿九因病去世，享年75歲。因豪賭而欠下巨債、與弟學友決裂的張學智，昨天亦有出席喪禮。據知兩兄弟在喪禮上視而不見，未有交談，似乎仍未冰釋前嫌！

張學友與家人前日在沙田寶福紀念館的「寶福堂」為亡父設靈，並於昨天出殯。學友貫徹其低調作風，與母親、妹妹及太太羅美薇一早到靈堂打點，但未見愛女瑤華及瑤萱，而契妹兼電台DJ Vani、吳婉芳與夫婿胡家驊、陳淑芬和兒子等也有出席喪禮。至於93年在澳門豪賭而欠下巨債，最終要學友代還600萬，導致兄弟情決裂的兄長張學智，昨日亦在靈堂出現，並負責擔幡買水。二人再度碰頭，但據知仍互當透明，毫無交談，在靈車上亦坐得離行離列。

喪禮以佛儀式舉行，及後遺體移往富山火葬場火化，學友滿臉鬚根，神情哀傷。太太羅美薇則架墨鏡，低頭不語。其後設「英雄宴」，此時學友心情漸平復，還面帶微笑向傳媒揮手。

學友接受電話訪問時表示其父年廿九過身，湊巧當天要遠赴拉斯維加斯舉行巡迴演唱會，臨上機前一晚到醫院探望父親，但當時並無異樣。豈料上機後，父親病情急轉直下。當到達目的地，他已收到公司訊息，並即致電母親了解：「媽咪話爸爸已經過身，當時又係新正頭，媽咪叫我低調，唔好影響工作，我完成工作就返港辦理爸爸身後事。」他感激親友關心：「一切已經搞掂，爸爸係小腦萎縮，屬自然過身。爸爸八年前身體好差，不良於行，又患過癌症，但已經醫好。但呢半年身體差要住院，氣管又退化，食同都要靠儀器，但佢一路保持清醒。」

遺憾未見最後一面
學友續說：「有次醫生漏夜急Call，話爸爸得番幾個鐘命，但都大步檻過，不過今次過唔到，見唔到佢最後一面。」問到母親心情如何？他說：「佢接受，爸爸身體長期有事，雖然有請人照顧，但媽咪都有照顧佢，今次爸爸舒服咁走，對我同媽咪講都係解脫。」學友忙於辦理父親身後事，曾取消演唱會宣傳活動。


學友未幾已平復心情，還向在場記者揮手及報以微笑。


學友（左二）與哥哥（箭嘴示）乘坐靈車時，未有交談。


太太羅美薇（右起）、學友、其母及妹妹神情哀傷。


陳淑芬與兒子、吳婉芳聯同老公胡家驊亦出席喪禮，送學友爸爸最後一程。