發表者： chiasan 於 2010-05-07 14:55:56 (375 人閱讀過)

            2010年05月03日  香港蘋果日報

舒淇忙於為新片《天山黑俠》宣傳，她最近沉迷 online打麻雀，又成為網上明星遊戲主角，憑空拍攝各式誇張表情時，大呼感覺新奇。現時已是紅星的舒淇，自爆未紅時迷戀偶像張學友，試過連續三晚夢見學友做她男朋友。

舒淇之前自爆愛上 facebook「開心農場」偷菜種花，她最近成為明星 Online Game「淇迹」的女主角，在網絡世界被魔界女王綁架，要等 fans打機拯救。舒淇出現在虛擬世界，她早前拍攝時，要在影樓內憑空想像，做出各式驚訝、開心和苦惱等表情，拍慣電影的她，依然感到新鮮。

自言打機差勁

舒淇說：「做嘅表情、動作都係可愛嘅、誇張嘅，我覺得很好玩，跟電影完全唔一樣，好搞笑。」她謂平常有空會打羽毛球、看電影、聽聽音樂，或者做運動，但現時最沉迷打 online麻雀，她說：「因為打得好差勁，只能同電腦或者同網上嘅陌生人一齊打！」

提到網友及 fans，舒淇回憶說她曾經是別人的 fans，偶像就是張學友，她說：「嗰時我非常非常鍾意張學友，但我都係屬於比較低調嘅一類，只會喺心中默默鍾意佢，最誇張嘅舉動，要數連續 3日夢見佢，喺夢裏佢係我男朋友，家諗番都幾好笑。之後嚟香港，第一次同張學友見面都幾激動，呢個印象我非常深刻。」

封鞏俐為女神
不過，舒淇覺得最合乎白馬王子形象的是劉德華，心目中的女神則是鞏俐和張曼玉，她說：「從以前到家睇佢哋嘅戲、穿衣打扮、做人處事同生活態度，佢哋都係完美嘅人，十分有魅力，值得我去學習。」
撰文： Debbie Lum

舒淇在網上遊戲「淇迹」中，遭壞蛋綁架等 fans拯救。