【on.cc東網專訊】 張學友為新國語專輯到電台訪問。由於之前學友承認與製作人陳淑芬意見分歧，入行30周年紀念演唱會告吹。由於紅館檔期要一年前入紙book，所以學友說：「今年話我開演唱會嘅消息一定係假。」有指他原定紅館4、5月檔期會由其他歌手頂替，他說：「應該嘅，有人接就好！」由於今年演唱會做不成，豈不是賺少幾千萬？他笑說：「冇乜收入，今年蝕架啦！（你唔使跑數？）唔使，做吓其他嘢，拍吓廣告，不過好鬼衰，做演唱會時先有廣告，唔做就冇乜廣告！（你收得貴！）物有所值嘅！」

手機觀看請點：http://youtu.be/494DP4m5xyk