千嬅拖學友唱情歌 緊張到手震
壹週刊│ 2015年01月29日

尋晚（1月28日）紅館繼續有楊千嬅嘅《楊千嬅 Let's Begin 世界巡迴演唱會2015》第五場騷，除咗有蔡一智同太太、導演泰迪羅賓與黃修平、鄭融、側田等捧場，當晚嘉賓仲係歌神張學友，搞到千嬅拖住學友合唱時國語歌《你最珍貴》時，比學友發現手震，千嬅都承認話：「我好緊張呀，我練咗呢首歌兩個月啦！」

千嬅話好開心請到學友做嘉賓，學友就讚千嬅好抵錫，叫歌迷用力愛錫佢。當學友唱完離場後，千嬅繼續發表感性宣言：「嘩，我今日好開心呀！當年我哋參加新秀，個個報名都唱學友既歌，我都揀咗《李香蘭》。今次演唱會我請嚟既嘉賓都係好朋友，係我尊敬和值得學習既人，學友哥哥係我既好榜樣，佢無論任何階段都做得好好，好值得學習。今日綵排時佢仲袋咗好多錢畀我，因為有啲位我唱得唔係咁好，佢即刻教我，係一位好老師。」

觀看新聞影片請點：http://www.jackyclub.com/thread-16045-1-1.html