阿倫開騷　學友呻慘：做嘉賓先呃到飛
東網 02月17日(二) 16:41

譚詠麟（左）第四場演唱會請得張學友任嘉賓。

【on.cc東網專訊】 譚詠麟（阿倫）第四場紅館演唱會請得張學友任嘉賓，當阿倫說知道學友最近出的一張大碟用了7年時間籌備，大讚他是一位非常精益求精的歌手，怎知道學友竟答他說：「其實都係講吓啫！」阿倫又問他為何要去英國錄一隻國語大碟，學友答他因為想隻碟有一點英國味道， 阿倫再追問：「乜依家啲英國人開始講國語咩？」學友說：「咁音樂又無分語言嘅。」

原來學友是第一位報名之嘉賓，阿倫說這晚門票因學友炒高了幾倍，但學友說他媽媽和妹妹要幫手撲6張這次40周年演唱會之門票，怎知道靠關係、問所有人都無辦法，還說：「後來要同阿倫話來做嘉賓先有！咁先呃到4張飛，幾慘呀！」阿倫說他真會開玩笑，學友好認真話：「唔係講笑，全部事實！」阿倫忍着笑，學友接着又說：「除咗話你叫我做嘉賓用4張飛換，其他真係全部事實！」之後二人合唱一曲《誰可改變》，本來阿倫都會為嘉賓選自己的一首歌，但學友就唱出自己熟悉的《霧之戀》。

觀看影片請至：http://www.jackyclub.com/thread-16088-1-1.html

阿倫同學友合唱一曲《誰可改變》。




學友唱出《霧之戀》。


阿倫同學友