學友爆大女未有男朋友

發佈者: jacky | 發佈時間: 2016-3-23 10:04| 查看數: 1110| 評論數: 0|帖子模式

學友爆大女未有男朋友
東方日報 3月23日

張學友、林嘉欣、張家輝及黃秋生等昨晚出席電影首映,講到湊女心得,嘉欣表示有上堂學與女兒溝通,並認為父母應尊重子女,學友即爆笑指其實是女兒不尊重他。

0323-00282-031b1.jpg

張學友與林嘉欣妙語連珠大講湊女經。

張學友、林嘉欣主演的英皇電影《暗色天堂》昨晚舉行首映禮,嘉欣與導演老公袁劍偉聯同張學友、黃秋生、張家輝、洪卓立、湯怡、衛詩雅、羅蘭及英皇老闆楊受成伉儷等人出席!陳奕迅低調入場未有拍照。

讀育兒課程有用
嘉欣孖住學友受訪,學友表示沒有帶太太羅美薇及兩位女兒撐場:「我做嘢,佢哋好少嚟,都唔會另外同佢哋睇,呢套戲爭議性大,費事解釋咁多。(怕個女問?)大女都大個,依家想佢問多啲都唔問啦!細女就仲會問啲無謂嘢。」學友指嘉欣湊女方法較嚴,嘉欣自爆前年報讀適用於二至十二歲的育兒課程:「有用呀!小朋友係個體,要令佢哋知道有責任,到大過十二歲就要尊重佢哋。」學友笑說:「我不嬲都尊重佢,係佢唔尊重我之嘛!」十五歲大女瑤華早前被拍到與一班同學外出,學友指是同學,女兒未有男友,是否驚?他說:「唔驚,邊度驚得嚟!」

0323-00282-031b2.jpg

英皇老闆楊受成率領眾星出席首映禮。

預告片中嘉欣向學友兜臉潑紅酒,他踢爆嘉欣不懂潑酒,第一Take只潑到他膊頭,之後她搵副導演做靶練習,學友更扮副導演的無奈表情,非常搞笑!提到跟老公袁劍偉合作感受,學友先搶答:「正囉,開心!」嘉欣正色說:「其實佢好嚴謹。(有鬧你?)會討論,唔係鬧。」台上嘉欣讚學友的角色很適合他:「要有魅力但唔使太靚仔,否則會有好大包袱,咁佢冇問題啦。」學友即自言「包袱好重」。

家輝文藝加味精
學友「細佬」家輝認為香港應有更多類似《暗》的文藝片,他說:「拍呢類戲做演員係OK,但製作就會落多啲味精,始終自己咁多年嚟都重口味,要商業啲。(加鹹?)哈哈!一定啦!」講到嘉欣與導演老公合作,家輝直言若將來的製作有適合女角色,定會請太太關詠荷演出。

文:影視組

此新聞影片 :  http://www.jackyclub.com/thread-16458-1-1.html

最新評論

【分享到…】
【學友新聞】
張學友上海巡演險陷假唱 中斷表演獲大讚
張學友上海巡演險陷假唱 中斷表演獲大讚 更新 2024-02-25 8:20 AM 【大紀元2024年02 ...
準備暴動搶票!張學友傳登小巨蛋連開9場破紀錄
準備暴動搶票!張學友傳登小巨蛋連開9場破紀錄 時間日期曝 TVBS 劉建偉 2024年2月1日 ...
張學友:泉州60+巡迴演唱會的激情之夜
張學友:泉州60+巡迴演唱會的激情之夜 娛樂星訊 2024-01-20 廣西 時光飛逝,那個曾經 ...
張學友演唱會尾場自嘲坐唔定誓不言休 揭一原因患遞咪恐...
張學友演唱會|尾場自嘲坐唔定誓不言休 揭一原因患「遞咪恐懼症」 星島頭條 11:15 202 ...
62歲張學友不退休 “做自己喜歡的事”
62歲張學友不退休 “做自己喜歡的事” 中國報 2024年1月14日 責任編輯: 娛樂小編 ...
張學友紅館尾場 未受粉絲欄杆骨牌式倒地影響準時開場
張學友紅館尾場|未受粉絲欄杆骨牌式倒地影響心情準時開場 香港01 撰文:張祖銘出版 ...
張學友香港開唱爆「人疊人」意外!歌神現場救援全目擊
張學友香港開唱爆「人疊人」意外!歌神現場救援全目擊 2024-01-13 20:53 聯合報 記者 ...
《繁花》背景音樂ost引熱議 張學友《偷心》又火了
《繁花》背景音樂ost引熱議 張學友《偷心》又火了 來源:潮新聞 2024-01-02 17:49   ...
張學友演唱會遭中國歌迷要求「講國語」高EQ回應獲好評
張學友香港24場巡迴演唱會 遭中國歌迷要求「講國語」高EQ回應獲好評 引新聞 張疏影 20 ...

手機版 | 文字版 | 【學友熱】Jacky Fever Club   

GMT+8, 2024-3-5 10:59 , Processed in 0.264606 second(s), 34 queries .

Copyright © 2012 學友熱 Jacky Fever Club | 技術支持|LIGHTSAIL視覺

Powered by Discuz! X2.5

回頂部