張學友王家衛結怨26年?

發佈者: jacky | 發佈時間: 2016-3-30 10:43| 查看數: 1133| 評論數: 0|帖子模式

太陽報C1:張學友王家衛結怨26年?
03月30日(三) 03:25

bkn-20160330032541889-0330_00862_001_01b.jpg

硬食60幾TAKE,又真係HURT幾嘅!

【on.cc東網專訊】 歌影雙棲的天王張學友今年憑《暗色天堂》第六度角逐金像獎影帝,他昨日出席「電影的張學友與張學友的電影」座談會,談到與導演王家衛多次合作的經歷時,坦言26年前拍攝《阿飛正傳》時曾被對方Hurt爆,更暗示二人自22年前的《東邪西毒》後便合作無期!但當他憶起故友梅艷芳時不禁眼泛淚光,又自爆拍戲撻着阿梅契姊妹羅美薇,因而改變了一生!

歌神張學友在步入樂壇第二年便開始挑戰演技,歌影雙線發展,更曾奪得「第8屆香港電影金像獎的最佳男配角」,雖然至今五次與金像影帝擦身而過,但演藝成績仍有目共睹!他昨日出席「電影的張學友與張學友的電影」座談會時分享多年來的拍戲點滴,又大談與導演王家衛的相識經過:「識佢嗰陣我拍緊劉鎮偉導演嘅《猛鬼差館》,亦因為劉鎮偉識咗當時做編劇嘅王家衛,有一日一齊喺條街傾偈,就係咁變咗朋友。」

眼濕濕難忘梅艷芳
提到1998年的《旺角卡門》及1990年的《阿飛正傳》,被指其角色乃馬田史高西斯作品《Mean Streets》中羅拔迪尼路飾演的角色原型,學友笑言拍攝前並無參考過羅拔的作品:「兩部戲都搵我抄羅拔迪尼路,多謝咁睇得起我,羅拔係業界受尊重嘅演員,對我嚟講,王家衛開始時參考好多其他戲,好似學行學走一樣都要學。」惟他透露《阿》片一場令他與王導的關係有變:「嗰陣同佢已經冇咁熟,有場戲做個簡單抬頭動作同表情拍咗60幾次,之後佢講咗句『算喇!』就行開咗,我個心唔舒服,我覺得同佢係朋友,點解要咁對我,自己分唔開,話我知最後用邊個Take、邊個Take出問題都好吖!嗰時做演員做得有啲辛苦,我當然想表現自己,但我都唔知佢點為之係好,呢個亦都係後來少同佢合作嘅原因,但我唔否認王家衛係好有才華同出色嘅導演。」

bkn-20160330032541889-0330_00862_001_06b.jpg

重溫同梅艷芳一齊合作電影《男人四十》時,張學友一度眼泛淚光。

當主持兼導演舒琪問到《東邪西毒》是否與王家衛合作的最後一部戲時,學友即斬釘截鐵說:「應該係最後一部!」言下之意暗示與王導自1994年後不再合作。大會隨即播放《喋血街頭》、《笑傲江湖》及《男人四十》等電影片段,當中學友曾憑《笑》片勇奪金馬獎「最佳男配角」,他還自嘲:「我都唔知點解會攞,但我唔深究,其實攞唔攞都冇所謂。」而曾與梅艷芳合作《男》片的他,重溫片段時更不禁眼濕濕兼輕抹眼角,場面動容。

為羅美薇改變一生
學友又自爆因合作電影《痴心的我》而邂逅了太太羅美薇,並笑言因而「改變一生」:「拍戲係好重要嘅訓練,當真就會有手尾,之後咪知囉!第一部乜都唔識,以為真係要好真,結果影響自己一生,過程要去畀自己真係鍾意嗰個人,依家錫一萬次都唔再敢去發生咩事,戲完就完,當時唔識,感覺就揮之不去,隔住紗Kiss好奇,有時有啲嘢唔可以發掘嘅。」他亦指2000年因大女兒出世,令其生活上改變而減少接電影:「依家我50幾歲,好想真實地經歷每個人生階段,唔希望戇居咁過,但我都不至於冇人搵嘅。」

此新聞影片: http://www.jackyclub.com/thread-16464-1-1.html

bkn-20160330032541889-0330_00862_001_02b.jpg

張學友難忘王家衛一句「算喇」,而令他不明就裏拍了60幾Take。

最新評論

【分享到…】
【學友新聞】
張學友加場攻蛋3分30秒完售 3場吸58萬人上線瘋搶
張學友加場攻蛋3分30秒完售 3場吸58萬人上線瘋搶 太報 黃于珊 2024年4月21日 週日 下 ...
張學友小巨蛋宣布加3場 「連續3週末唱9場」刷新個人紀錄
張學友小巨蛋宣布加3場! 「連續3週末唱9場」刷新個人紀錄 TVBS新聞網 羅子欣 的故事 ...
海關戰線|宣布暑期出戰 謝霆鋒首與張學友合作
海關戰線|宣布暑期出戰 謝霆鋒首與張學友合作兼任武指爬吊車 香港01 撰文:許育民出 ...
張學友台北小巨蛋門票賣完!80萬人搶6萬張票
張學友台北小巨蛋門票賣完!80萬人搶6萬張票 主辦:溝通加場中 記者吳雨婕/台北報導 ...
張學友小巨蛋瞬間秒殺!萬人哭天喊地 加場可能
張學友小巨蛋瞬間秒殺!萬人哭天喊地 加場可能主辦方說話了 TVBS記者 劉建偉 報導 發 ...
張學友60+巡迴演唱會 台北站 - 售票資訊
【TOYOTA 張學友60+巡迴演唱會 台北站】- 售票公告 ※ 演出地點:台北小巨蛋 (臺 ...
張學友宣布5/31來台攻蛋連唱6場 搶票日期曝光了
張學友宣布5/31來台攻蛋連唱6場 搶票日期曝光了 12:232024/03/20 中時 黃雯犀 睽違7 ...
張學友上海演唱會取消「賠償粉絲住宿交通」
張學友上海演唱會取消「賠償粉絲住宿交通」 網讚:真是業界「神級」榜樣! 中天新聞網 ...
張學友回應ICU病重傳聞:確診新冠 正在家中自我隔離
張學友回應ICU病重傳聞:確診新冠 正在家中自我隔離 鳳凰網娛樂 2024年03月08日 15:58 ...

手機版 | 文字版 | 【學友熱】Jacky Fever Club   

GMT+8, 2024-4-24 10:35 , Processed in 0.312922 second(s), 30 queries .

Copyright © 2012 學友熱 Jacky Fever Club | 技術支持|LIGHTSAIL視覺

Powered by Discuz! X2.5

回頂部