【喺屋企訓練過百次】學友20場個唱有壓力
09月13日(二) 15:08

學友果然係歌神，雖然開演唱會對佢嚟講已經唔係新鮮事，但佢一樣咁認真。

【on.cc東網專訊】 歌神張學友為12月4日開始在紅館舉行共20場的《A Classic Tour 學友．經典世界巡迴演唱會》香港站舉行記者會，單是記者會使費已經逾百萬港元，筵開17席，大會特別設計一個紅館外形的升降台給學友站台，氣勢十足！

學友表示自1995年開過四面台後，至今已超過20年未有開過四面台，故精挑細選演唱會製作團隊：「我哋呢個團隊年紀加埋都幾百歲，但年齡唔代表想法，我哋諗到啲乜？到時會畀驚喜同一個滿意嘅演唱會畀大家。」

每隔三場休息一日

現場還播放了當年周星馳在一套電影中演繹如何去撲學友演唱會門票的片段，寄語一票難求，學友笑言：「當年係1993年，相隔咗23年，多謝大家呢幾十年嘅支持，而呢幾十年都冇令大家失望。」學友的20場演唱由12月4日舉行至29日，期間會有五天空檔，學友表示：「每隔三場會休息一日，係我自己要求呢個演出模式，希望能夠有足夠嘅休息，確保20場順利完成，亦都係自己可以接受嘅水平去完成。」講到開20場，學友再言：「面對啲數字有啲恐懼同壓力，已經準備咗好耐，做晒Rundown，同埋背晒歌詞，喺屋企練咗相信都超過100次。」

此新聞影片：http://www.jackyclub.com/thread-16584-1-1.html

張學友表示製作團隊都係精英，只係年紀大咗啲。




雖然演唱會12月先舉行，但學友已經綵排過好多次喇，仲要喺屋企。


學友預告演唱會會有驚喜。


記者會播放咗周星馳喺《破壞之王》入面排隊搶購張學友個唱門票嘅片段。


記者會舞台以紅館作外貌搭建而成！


學友感謝歌迷多年嚟嘅支持。


舉杯預祝個唱演出成功。