香港演唱會首場全紀錄 神曲再現

發佈者: jacky | 發佈時間: 2016-12-5 10:36| 查看數: 1537| 評論數: 0|帖子模式

【不斷更新】神曲再現 學友唱《情已逝》觀眾全場企起身
蘋果日報 最後更新: 1204 23:15

1480854970_774a.jpg


(23:10)
晚上11點10,學友紅館騷頭場圓滿結束。

(23:09)更新歌List:
Encore部份:《用餘生去愛》、《給朋友》、《心如刀割》、《離開以後》、《一千個傷心的理由》、《只想一生跟你走》、《我等到花兒也謝了》、《吻別》、《每天愛你多一些》、《李香蘭》、《Amour》、《情已逝》、《如果.愛》

《我與你》、《非常夏日》、《今晚要盡情》、《慢慢》、《離人》、《這麼近(那麼遠)》、《怎麼捨得你》、《愛火花》、《忘記他》、《 我真的受傷了》,《頭髮亂了》、《和好不如初》、《時間有淚》、《寂寞的男人》、《野貓之戀》、《餓狼傳說》、《如果這都不算愛》、《我醒著做夢》、《不經不覺》、《春風秋雨》、《你的名字我的姓氏》、《愛是之恆》、《祝褔》

(23:08)
學友唱到《情已逝》時,全場大合唱,大部份觀眾都企晒起身,睇得相當投入。

(22:44)
到Encore部份,學友唱咗《用餘生去愛》、《給朋友》。唱緊《給朋友》時,台上銀幕播出學友同已故好友嘅合照,有梅艷芳,柯受良,羅文,張國榮,場面感人。

(22:39)
唱《祝褔》時,學友扮鬥牛勇士舞動一塊白色嘅布,跟住跳舞跳到女Dancer身後從後攬住佢。唱完《祝福》後,學友向四面嘅觀眾鞠躬,然後隨住升降台沉落台下,舞台上方亦噴出煙花。

(22:15)
學友唱到《你的名字我的姓氏》時,換上白馬王子Look,仲噴咗白色噴髮膠。學友身穿白色禮服,禮服上仲以金線、銀線繡上花嘅圖案,非常華麗。唔單止視覺效果滿分,聽覺享受一樣冇得輸,因為學友今次嘅演出,歌曲旋律冇咩改動,全部原汁原味,同聽CD一樣!

(21:42)
學友唱《頭髮亂來》時,同一眾Dancer載歌載舞,學友仲風騷扭腰o添!仲有網民大讚學友係神級唱功,係大家嘅集體回憶。

(21:38)
學友唱到《和好不如初》時有Dancer換上彈弓腳,做出凌空跳躍動作,包括翻筋斗,視覺效果滿分呀!

(21:15)跟手學友就同大家玩一個遊戲,就係好似網球場咁,佢唱歌嗰陣,會有camera影住觀眾,觀眾就做一啲動作,勝出者就會得到禮物。Camera一影到鍾鎮濤同范姜嘅時候,鍾即作勢扒落去范姜身上錫鍚;而杜德偉同太太都有錫鍚。之後鏡頭再影番去鍾鎮濤同杜德偉時,鍾就唔錫喇,改為攬攬杜生。

(21:12)唱完一輪快慢歌之後,學友終於講嘢喇:「大家好嘛!終於返到嚟我主場 !歡迎嚟到經典之旅,之前唱幾多場都好,返到嚟腳都震!我會畀心機!」

學友續道:「我喺度要解釋下乜嘢叫經典演唱會,有你哋喺度,已經係經典!朋友話唱多啲經典歌,但我計過有六七十首,唱到聽朝!我50幾歲,體力頂唔順喇!」

之後學友又同山頂嘅朋友打招呼:「山頂朋友嘅你哋好嘛!廿幾年冇講過喇!」講完之後學友都大笑,之後再謂:「我覺得經典演唱會離開帶好多回憶,會想起我!」

(21:09)
學友唱到《忘記他》嘅時候,一眾性感女Dancer為學友伴舞,現場氣氛熾熱,觀眾亦舉高手玩得好high。

(21:00)
唱完《離人》,學友深情獻唱《這麼近(那麼遠)》、《怎麼捨得你》,唱快歌《愛火花》換上金色長褸,好似晨褸一樣,十分貼近今年時裝潮流。

(20:40)
學友唱完《非常夏日》之後唱《慢慢》、再到《離人》,深情地唱完之後,學友走到台上嘅紙船旁邊,然後除低件西裝掛喺紙船上面,再經升降台同紙船一齊沉落台底。

(20:15)
歌神張學友事隔5年再喺紅館開騷,今次「A CLASSIC TOUR 學友.經典世界巡迴演唱會」香港站,原先只開二十場,但因為門票極速賣晒,所以特別加開12月31、1月1及2日三場。不過由於通路管制,除夕晚嗰場會提早喺晚上7點半開騷。

晚上8點15分,學友一身黑色踢死兔紳士裝出場,場外仲有好多fans等緊入場,田北俊都有現身支持。今晚設四面台,台頂有大型顯示銀幕;除咗現場樂隊之外,仲有一班管弦樂手負責伴奏。學友喺台中間升上嚟,唱第一首歌《我與你》又同Dancer們載歌載舞,唱到中途學友仲除埋帽。之後唱《非常夏日》時學友換咗型仔西裝,閃令令咁走向四面台嘅觀眾順便握手。現場噴紙效果機極近觀眾,噴出碎紙營造一個繽紛美麗嘅效果。今晚撐場嘅藝人有胡楓、鍾鎮濤、那英、杜德偉、曾華倩、梁家輝嘅老婆同兩個女。  

1480854972_5ad3.jpg


1480856765_66b8.jpg


1480859585_fd96.jpg


1480863449_e633.jpg


1480857765_dc24.jpg


1480857768_60f6.jpg


1480861221_b251.jpg


1480859586_b621.jpg


1480862738_32ba.jpg

最新評論

【分享到…】
【學友新聞】
海關戰線|衛詩雅為張學友特別「加餸」
海關戰線|衛詩雅為張學友特別「加餸」 謝霆鋒揸巡邏船責任上身 2024-05-28 明周 撰 ...
張學友經濟學 月底開唱 餐廳訂位增4成 飯店住房9成滿
張學友經濟學 月底開唱 餐廳訂位增4成 飯店住房9成滿 2024/05/28 中國時報 洪秀瑛 、 ...
張學友相隔8年重返大銀幕《海關戰線》攜手謝霆鋒打擊犯罪
張學友演唱會一票難求!7月無預警「再登台」 將與舊情人聚首 中時新聞 廖福生更新時間 ...
張學友演唱會招工作人員?主辦方揭詐騙手法
張學友演唱會招工作人員?主辦方揭詐騙手法 更新 2024-05-11 7:41 AM 【大紀元2024 ...
TOYOTA超友愛信箱活動預告 加碼抽門票
【TOYOTA超友愛信箱活動預告 加碼抽門票】 追蹤按讚留言抽門票 TOYOTA送你去看張學友 ...
張學友加場攻蛋3分30秒完售 3場吸58萬人上線瘋搶
張學友加場攻蛋3分30秒完售 3場吸58萬人上線瘋搶 太報 黃于珊 2024年4月21日 週日 下 ...
張學友小巨蛋宣布加3場 「連續3週末唱9場」刷新個人紀錄
張學友小巨蛋宣布加3場! 「連續3週末唱9場」刷新個人紀錄 TVBS新聞網 羅子欣 的故事 ...
海關戰線|宣布暑期出戰 謝霆鋒首與張學友合作
海關戰線|宣布暑期出戰 謝霆鋒首與張學友合作兼任武指爬吊車 香港01 撰文:許育民出 ...
張學友台北小巨蛋門票賣完!80萬人搶6萬張票
張學友台北小巨蛋門票賣完!80萬人搶6萬張票 主辦:溝通加場中 記者吳雨婕/台北報導 ...

手機版 | 文字版 | 【學友熱】Jacky Fever Club   

GMT+8, 2024-5-30 00:05 , Processed in 0.181717 second(s), 30 queries .

Copyright © 2012 學友熱 Jacky Fever Club | 技術支持|LIGHTSAIL視覺

Powered by Discuz! X2.5

回頂部