譚詠麟叫學友填詞　對方3個月後嗌棄權
東網 04月11日(二) 17:43   

樂壇校長譚詠麟為新國語專輯《欣賞》試聽會，會上播放碟內5首與5位歌手合唱的新歌及與樂迷分享製作過程。當中一首阿倫與張學友合唱的《觀》，阿倫坦言起初歌詞是交給學友去操刀，當時學友亦爽快答應說會三星期交歌，但一等便等了三個月，當時學友正準備演唱會，所以都不敢向學友追歌，但再過兩星期後最終都要催他交功課，當時學友只得向他說：「對不起，我棄權啦！」阿倫謂寫詞逼不到，最後交給填詞人去完成。而錄這歌都是學友完成演唱會後兩，三日進行，知道學友身心俱疲。

阿倫稱這國語專輯花了兩年才完成，共10首歌，每首如自己仔女，首首都好鍾意。而稍後將在北京為新碟開記者會，已聯絡當中有份合唱的歌手能否出席，亦知有些歌手因工作檔期未能現身。

講到好友曾志偉獲金像獎男配角獎，阿倫謂：「有同佢通過電話，佢都有叫我去佢生日會，但嗰日我要上佛山去唔到，佢都欠我好多餐飯未請我食，之前贏馬果餐啦。（叫佢畀貼士你？）嘩，唔知佢跟住邊場得喎！（搵志偉合唱？）咁樂壇大翻身先得，即係包公審烏盆，唱伸冤啫。」