學友明年初回歸香港衝200大關賺兩億

發佈者: jacky | 發佈時間: 2018-4-3 09:37| 查看數: 891| 評論數: 0|帖子模式

學友明年初回歸香港衝200大關賺兩億
東方日報 OrientalDaily 2018年4月3日 上午5:45

45bf8b928591b7849352a28b11300bd9.jpg

巡唱的台前幕後心情興奮,仲瞓地砌出「147」字樣賀歌神!

歌神張學友的世界巡演前晚完成第147場,再次刷新其個人締造的紀錄,寫下全球華人歌手威水史!他更選定明年初以香港紅館作為是次巡演的最終站,勢必向200場大關邁進,憑其殿堂級身價,估計是次巡演將為他帶來2億港元進帳!

張學友《A Classic Tour學友.經典世界巡迴演唱會》於2016年10月在北京揭開序幕,目前仍進行得如火如荼,前晚他在浙江紹興市舉行第147場巡唱,刷新自己保持的紀錄,並再次創下華人歌手新紀錄,勢向200場衝刺!學友的巡演暫時排到6月底瀋陽站,大概會去到160幾場,以其神級身價,保守估計100萬一場,盛傳今次巡演將為他帶來2億進帳!

前晚學友面對坐滿會場的3萬名歌迷,在台上分享心情:「今天是非常特別的一天,開場前一直叫自己不要緊張,但一想到今天是破紀錄的一天就很緊張……」破紀錄之夜,同時亦是其好友「哥哥」張國榮離世15周年紀念,學友特別獻唱哥哥的經典作《風繼續吹》悼念摯友,並感性地說:「希望大家能記住張國榮。」

展望有人再創高峰

對於再創華人歌手新紀碌,學友始終保持初心:「並非為咗打破紀錄而唱。」而昨晨他由紹興返港,有十多名歌迷專誠接機,談到再一次打破自身保持的紀錄,他竟有點怕醜,笑說:「係,唔經唔覺。(好短時間就破咗!)都OK,都冇乜特別諗,覺得過得好快啫,做緊嘢就會過得快。(體力OK?)依家舒服過開頭做,因為始終做熟咗。(冇人破到你紀錄?)哈哈!紀錄呢啲嘢,係用嚟講o架啫!」他深信將來一定有人能打破其紀錄,笑說:「實有嘅……應該,係冇問題,因為市場同以前唔同咗,依家同上次都差好遠,去番同一個地方,你會覺得成個地方唔同咗,好似經濟呀,依家內地發展係好咗同快咗好多。」

贊成「實名制」抗黃牛

本報收到消息指學友將於明年1月再登紅館舞台,選定該處為是次巡唱的終點站,對此學友表示:「應該係,申請咗,我唔知攞到未,我都想喺香港完。(香港後唔會再加場?)冇得一路做落去,始終都要完o架!(一路唱囉?)可以繼續唱,咪唱第二啲嘢嘛,唔通唱一樣嘢唱咁耐!」學友每次開騷都掀起搶飛熱,演唱會門票甚至被炒至過萬元一張,對於有人建議以實名制售票,他極力贊成:「我覺得實名制冇乜壞,好呀!因為有陣時見到自己啲飛炒賣到好貴、好貴,都覺得唔舒服,所以我贊成實名制。」

文:音樂組

攝:張福宏

59f8a0e2511ce41d79c4ee682d0b883e.jpg

學友打破由他創下的巡唱紀錄,唱完第147場!

0557c0484a92d9490cc6919a262dad42.jpg

學友昨日返港,見到歌迷即揮手打招呼。

最新評論

【分享到…】
【學友新聞】
鐘鎮濤慶70大壽港圈大咖齊聚!張學友譚詠麟獻唱
鐘鎮濤:慶70大壽港圈大咖齊聚!張學友譚詠麟獻唱,葉童老公露面 2023-02-03 10:53:21 ...
相隔10年發賀年照 張學友祝福大家身體健康
相隔10年發賀年照 張學友祝福大家身體健康 大紀元 2023年1月20日 張學友小年夜公佈 ...
張學友獨唱版《日出時讓街燈安睡》上線 用音樂傳遞慰藉
張學友獨唱版《日出時讓街燈安睡》上線,用音樂傳遞慰藉 新京報 2023-01-18 14:15 記 ...
張學友讚而家新人好犀利勁過自己
張學友讚而家新人好犀利勁過自己:嗰班新人企喺台就唱得㗎啦喎 香港01 撰文:邱愛霖出 ...
張學友低調現身小女兒畫展 滿臉笑意享受父親的驕傲
張學友低調現身小女兒畫展 滿臉笑意享受父親的驕傲 sohu 新聞 2022-11-21 18:35 ...
張學友唱《愛是永恆》當眾下跪 胡楓感動落淚
張學友唱《愛是永恆》當眾下跪胡楓感動喊:我好耐冇跪過人 香港01 撰文:蘇國豪 出版 ...
胡楓演唱會︱張學友獻唱力撐 張家輝開金口掀高潮
胡楓演唱會︱張學友獻唱力撐 張家輝開金口掀高潮 東網新聞 11月12日(六) 19:26 藝 ...
四大天王音樂道路上的「推手」
四大天王音樂道路上的“推手”,誰最會“推波助瀾” 2022-10-08 15:38:17 來源: 娛娛 ...
張學友39年前以6分之差輸唱歌比賽 遭周文珊狠評
張學友39年前以6分之差輸唱歌比賽 遭周文珊狠評:尾音就係求其 香港01 撰文:邱愛霖 ...

手機版 | 文字版 | 【學友熱】Jacky Fever Club   

GMT+8, 2023-2-4 03:25 , Processed in 0.295090 second(s), 30 queries .

Copyright © 2012 學友熱 Jacky Fever Club | 技術支持|LIGHTSAIL視覺

Powered by Discuz! X2.5

回頂部