《陀地驅魔人》「兩兄弟」再拍住上? 張家輝:佢邊得閒

發佈者: jacky | 發佈時間: 2018-5-3 10:01| 查看數: 1291| 評論數: 0|帖子模式

【學友讚有進步】《陀地驅魔人》「兩兄弟」再拍住上? 張家輝:佢邊得閒
蘋果日報 0503 00:00

1525274419_1310.jpg


由張家輝自導自演嘅新片《低壓槽》噚晚喺九展舉行群星首映,同場仲有張可頤、苗僑偉(三哥)、陳慧琳等捧場,而與家輝為異父異母關係嘅「大佬」張學友特別現身支持。

現正忙於世界巡迴演唱會嘅學友話,自己今日(3號)就離港去江西繼續做騷。提到日前學友班老友梁朝偉、劉嘉玲及曾志偉等拉隊去台北捧場(新聞連結: https://bit.ly/2I7GXBP ),學友話:「係呀,我book咗間VIP房俾佢哋,諗住好秘密啦,點知佢哋自己登晒出嚟。」

家輝話,其實冇諗過學友呢晚會現身首映,因為佢知道對方忙緊做巡迴,所以連聯絡都少咗:「佢起勢咁巡迴,知佢成日都要飛來飛去,不過呢兩日通過電話,咁啱佢喺香港,所以就叫佢嚟。」

再問學友之前有冇睇過《低壓槽》嘅預告片,學友話:「之前已經睇咗喇,覺得家輝有進步,喺鏡頭運用、意識形態都有自己嘅風格,比起小弟有份參演嗰套《陀地驅魔人》成熟咗好多,打鬥場面都幾特別。」家輝聞言即謙稱:「我都仲有好大嘅進步空間嘅,好多謝投資方俾我一次咁任性嘅投資,多謝台前幕後對我嘅信任,日後如有啲咩新嘗試或者新題材呢,都會嘗試繼續去做導演,不到呢一刻自己都未諗到。」咁「兩兄弟」有冇合作機會?家輝即答:「佢邊得閒吖?巡迴巡到好似行咇咁,要巡幾年。」

記者提到家輝諗得嚟,可能學友個巡迴都完咗,學友亦即「交期」:「係啦,我都係巡到明年1月之嘛,你都唔會咁快開㗎啦?」家輝就話:「我好安守本份嘅,我好清楚知道自己係一個演員嘅身份,如果有好嘅劇本,我都會做導演。」學友笑言家輝以導演身份講嘢,成個人唔同晒:「以前好似我咁,講嘢冇乜point嘅,o依家有自己嘅風格囉,好正經,搞到我都有啲驚呀,想叫番你做大佬。」家輝亦笑住接口:「唔使驚喎細佬!」

咁家輝又有冇諗過搵老婆關詠荷合作呢?家輝坦言:「呢個機會就比較微啲喇,因為屋企都要有人睇住,所以我會自私啲唔俾佢拍。」

1525272878_9b0d.jpg


1525272882_d488.jpg

異父異母嘅「兄弟」張學友特別到場支持

最新評論

【分享到…】
【學友新聞】
張學友二度道歉 “表現最差的一場”
張學友二度道歉 “表現最差的一場” 中國報 2024.06.16 (台北訊)“歌神”張學友因 ...
張學友病後首唱「突鞠躬道歉」考慮過取消今天演唱會
張學友病後首唱「突鞠躬道歉」 吐艱難心聲:考慮過取消今天演唱會 TVBS 陳薈涵 2024年 ...
張學友明年補場檔期確定!再加安可場 超級圓頂證實了
快訊/張學友明年補場檔期確定!再加安可場 超級圓頂證實了 娛樂星聞 2024/06/11 17: ...
張學友因身體不適台北演唱會7、8、9三天取消演出 補償方案
環球音樂 2024.06.07 台灣的歌迷朋友,大家好!我是學友。 非常抱歉,上星期表演回 ...
被唱歌耽誤的影帝!張學友展現不同情緒演技
被唱歌耽誤的影帝!張學友展現不同情緒演技,隔14年和謝霆鋒交手《海關戰線》槍林彈雨 ...
張學友不藏了 罕揭演唱會大亮點 隔空點名周杰倫
張學友不藏了 罕揭演唱會大亮點 隔空點名周杰倫 UDN新聞 記者林士傑/即時報導 2024-0 ...
罕見喊卡!張學友飆唱「咖啡」唱錯歌詞 粉絲笑翻
罕見喊卡!張學友飆唱「咖啡」唱錯歌詞 粉絲笑翻 東森新聞 2024年6月2日 週日 上午11: ...
張學友誇台粉有氣質 鬆口高雄開唱有機會
張學友誇台粉有氣質 鬆口高雄開唱有機會 自由時報 2024/06/02 05:30 〔記者陽昕翰/ ...
舒淇穿婚紗「現身」演唱會 張學友展示好體力當場劈腿
太神了!舒淇穿婚紗「現身」演唱會 張學友展示好體力當場劈腿 中天新聞網 2024年5月31 ...

手機版 | 文字版 | 【學友熱】Jacky Fever Club   

GMT+8, 2024-6-17 03:39 , Processed in 0.183781 second(s), 30 queries .

Copyright © 2012 學友熱 Jacky Fever Club | 技術支持|LIGHTSAIL視覺

Powered by Discuz! X2.5

回頂部