學友叫家輝做大佬：做導演講嘢唔同晒
東網 05月02日(三) 23:09       

關係調轉咗！

影星張家輝與張學友到九龍灣出席新片《低壓槽》群星首映禮，除了學友驚喜力撐「異父異母兄弟」外，陳慧琳、王晶、劉偉強與樂易玲亦特別到場支持。家輝笑言沒想到學友能到場：「佢去咗巡唱，飛來飛去，大家都冇乜聯絡喇，點知佢話呢兩日喺香港，咪叫佢嚟睇戲！（傾埋合作？）佢邊得呀，巡迴幾年好似行咇咁！」

學友讚有進步

正在內地巡迴演唱會的學友，被問到是否返港力撐家輝？學友笑言：「唔係，我聽日就走去江西開騷。（曾志偉帶班朋友撐你場？）佢哋咁啱去做生日，順便睇我個騷，我原本諗住開間房畀佢哋秘秘密密咁，點知佢哋就甫相登晒！」學友表示已睇過預告片，大讚家輝有進步：「比起上次我有份參與嗰部成熟咗囉！」家輝則謙稱仍有進步空間，要多謝投資方及台前幕後信任：「我都想仲繼續試，不過未諗到題材。」

講到可以等學友檔期，學友即笑說：「我巡到明年一月，你唔係咁快開呀？依家用導演身份講嘢係唔同晒！以前講嘢好似我咁冇乜Point，依家有風格又正經，搞到我都有啲驚，想叫聲大佬！」家輝聞言笑說：「唔使驚呀細佬！」

唔畀老婆拍嘢

家輝最近被網友取了一個外號「渣渣輝」，他笑言不會介意：「覺得係好玩同親切，個朵依排好行，我唔會鼓吹大家咁叫，但都阻止唔到！」學友聞言笑說：「聽講係因為你國語問題，你同我講國語練吓啦！」家輝又指香港藝人到內地很多時候都需要配音，因內地有一套標準，笑言不是大家對他有偏見，問到是否藉口不學好國語？家輝笑言：「我忠於自己，比較反叛啲！（下次預埋太太關詠荷？）機會比較微，因為屋企要有人睇住，我就自私啲唔畀佢拍！」

張學友（右）、張家輝好老友呀！


學友忙住巡唱。