【唔好送花籃】下月紅館開騷 學友繼續呼籲好友齊齊做善事
蘋果日報 2018年12月11日

歌神張學友明年1月喺紅館舉行《學友．經典演唱會》，往年學友開騷前夕，都會叫啲好朋友唔好送花籃，例如曾經發起以米代替花籃，之後又試過叫啲朋友將心意轉化做善款，幫助一班有需要嘅貧困老弱長者，等佢哋可以得到免費中醫診療服務！

今次開騷都唔例外，學友繼續呼籲好朋友唔好送花籃，同埋將心意轉化成善款，幫助一班有需要嘅貧困老弱長者，等佢哋可以得到免費中醫診療服務，每100蚪就可以幫助一位病人獲得一次免費嘅中醫診療及3日內服藥，所以希望大家盡力支持，令更多有需要嘅人受惠！