捧學友場！宣萱捉胡定欣莫文蔚集郵
東網 01月23日(三) 06:04       

藝人宣萱同胡定欣老友鬼鬼，二人相約去睇歌神張學友演唱會，宣萱喺社交網上載同學友嘅親密合照，二人頭貼頭，展現出友誼。宣萱仲話當日十分驚喜，因為撞到同樣去睇演唱會嘅莫文蔚，三人難得相聚，當然要一齊合照啦！

三位靚女合照相當吸睛，宣萱留言：「每次有他的演唱會都一定會去看，百看不厭！永遠都帶給大家無比快樂和驚喜。很久沒跟Nancy（胡定欣）吃飯聊天，昨晚真的很開心。最後的一個驚喜就是見到Karen（莫文蔚）！太久沒見了。」

宣萱與胡定欣、莫文蔚到後台祝賀學友演出成功。