2020東京奧運 ︳歌神張學友唱主題曲《堅持的意義》   為港隊打氣
明周 亞洲 2021-06-22
  
「2020東京奧運會」下個月23日揭幕，有線電視、香港開電視邀請到「歌神」張學友主唱2020東京奧運主題曲《堅持的意義》，為香港運動員打氣。

「2020東京奧運 全城集氣」記者會係噚日舉行，一班電視台嘅管理層、嘉賓、節目主持、項目專家，同專業評述員等都有出席。當中奧運金牌得主「風之後」李麗珊、中國國家女子排球隊前主攻手暨奧運銀牌得主孫玥，同埋有「亞洲車神」之稱嘅黃金寶都有出席「全城集氣記者會」仲獲邀上台致詞，為運動員打氣。

《堅持的意義》由郭偉亮作曲，林若寧填詞，亦會拍攝MV，將會係唔同渠道播放，為港隊打氣，帶動香港市民迎接奧運熱潮。