【樂壇新人不濟？】學友讚馮允謙許廷鏗：都幾好！
蘋果日報 建立時間: 0112 16:05

（攝影：譚倩宜）(蘋果日報)

歌神張學友今日喺商台接受節目《1圈圈》訪問，提到早前發聲明，跟陳太陳淑芬結束合作關係，而4月個唱亦會取消，對此學友表示：「今年唔會喺香港搞，所以如果今年有任何我嘅演唱會，一定係假嘅。」

今年係學友入行三十年，問到取消個唱，會唔會影響佢連串計劃？佢就話一直都冇諗住慶祝，並說：「阿倫0依家做緊40周年，所以我30周年，都唔好意思講，嘈喧巴閉咁好肉酸。」

咁取消演唱會，咪賺少幾千萬？學友笑稱：「係0架，今年都冇乜收入，都係蝕0架喇。不過唔使跑數，接多幾個廣告就得。」

學友又坦言0依家有唔少客戶，都直接聯絡佢傾工作，令學友懊惱，佢話：「其實都煩嘅，我都會叫佢哋搵返唱片公司。我唔會自己同客戶傾價錢，咁太古怪。」雖然係咁，但學友話唔會因為咁而急住搵經理人。

另外，早前秋生批評現時樂壇新人不濟，學友笑稱：「佢都係樂壇新人，新人彈新人咁好笑？我聽電台嗰陣，都有聽到啲幾好聽嘅歌，好似馮允謙、許廷鏗都幾好。」

觀看影片請點：http://www.jackyclub.com/thread-15989-1-1.html

學友表示今年唔會喺香港搞入行30周年演唱會，仲話若然有任何佢嘅演唱會，都一定係假嘅。


學友表示現時有唔少客戶直接聯絡佢，不過佢就話叫對方搵唱片公司接洽。


學友表示有留意馮允謙及許廷鏗啲歌。